Historia de Galiza

 

Galiza é unha nación establecida xurídica e administrativamente como Comunidade Autónoma con estatuto de "Nacionalidade Histórica" segundo a constitución española e o seu Estatuto de Autonomía dentro do Reino de España. Está situada no extremo noroeste da Península Ibérica e linda, ao leste, con Asturias e Castela e León, ao oeste co Océano Atlántico, ao norte co Mar Cantábrico e, ao sur coa República de Portugal.

Ten como lingua propia o galego, similar e de orixe común co portugués, e comparte oficialidade co castelán. A consideración de Galiza como nación e unha procura constante dun maior grao de autogoberno, que é defendido por un número significativo de cidadáns. As tendencias nacionalistas, e mesmo as non-nacionalistas, en Galiza son, na súa meirande parte, de tipo federalista, isto é, a formación dunha federación co resto dos actuais territorios españois ou peninsulares. Ademais, tamén existen grupos independentistas.

Galiza posúe uns 2,77 millóns de habitantes (2007), cunha distribución poboacional que aglomera a meirande parte da franxa entre Ferrol e Vigo. Ten catro provincias, A Coruña, Lugo, Ourense e Pontevedra. A capital e Santiago de Compostela, cun estatuto especial, dentro da provincia de A Coruña.