Campo de Coia 1908-1923 "A Catedral"

 

...de Coia a Balaídos.  Catedral do Fútbol Galego.

 Campo de Coia 1908-1923 "A Catedral"

O primeiro campo de fútbol no que xogou o Real Club Celta de Vigo foi o xa desaparecido Campo de Coia (101 x 60,5 metros). Inaugurado o 9 de febreiro de 1908, cun encontro entre dous equipos formados polos socios do Vigo F.C..

O campo estaba ubicado na zona que comprende hoxe en día o centro comercial Toys"R"us e a Escola de Peritos.

Nese campo disputou os seus encontros o Vigo Sporting Club ata 1923, intre no que pasaría a mans do Celta de Vigo, e que disputaría en Coia os seus partidos ata decembro de 1928.

Como locatario deste campo atopábase o Vigo Sporting Club, e preto déste tiña o seu propio campo tamén o Fortuna, este último máis preto do mar, onde hoxe en día se atopa a coñecida fábrica de conservas Alfageme, coñecido como Campo de Bouzas. No campo de Coia tamén se celebraron concursos hípicos, xincanas e todo tipo de probas deportivas.

Neste estadio, a afección viguesa puido gozar dos primeiros éxitos dun Celta que se alzou en moitas ocasións co campionato galego. Polas instalacións de Coia tamén se deixaron ver equipos da talla do West Ham inglés, ou seleccións como Uruguai, que posteriormente se proclamaría campioa olímpica en París.

Unha data que se atopa na memoria dos máis antigos, foi a do 3 de decembro de 1928; disputábase en Coia un encontro do Campionato Galego, no que o Celta acadaría un 13-0 no derbi por excelencia do noso fútbol. Ese día, o R.C.D. de La Coruña recibíu a maior goleada conseguida entre ambos equipos en toda a historia en competición oficial, xa que naqueles tempos non existía a Liga, e os torneos oficiais que existían eran a Copa de España e os Campionatos Galegos.

O último partido xogado en Coia foi o 9 de decembro de 1928, nunha eliminatoria da Copa de España; sería o partido de ida de oitavos de final, rexistrándose o resultado de R.C. Celta 2 - Athletic de Bilbao 1.

 

Situación no mapa de Vigo, dos desaparecidos Campos de Bouzas e de Coia,

xunto co actual Campo de Balaídos.

 

Campo de Bouzas (Real Fortuna F.C.)

Faro de Vigo do 11-02-1908

Donde fala da inauguración de Coia o día 09-02-1908

 

 

Imaxes da Final de Copa de España, o 14 de maio de 1922 en Coia, entre o F.C.Barcelona e o Real Unión de Irún.

Download